بالبركه طنعشر مجنون ** نزلوا بهالبرد القاسي
فركوا رووسن بالصابون ** وضاعت بالمي الطاسه
واحد بفرنسا مهووس ** وفي واحد حليف الرووس
واحد بفرنسا مهووس ** وفي واحد حليف الرووس
وتنين ما الهن رووس ** وبيقول لك يا راسي
وواحد مصرياتو كتار **ورته عن بيو الختيار
وواحد مصرياتو كتار **ورته عن بيو الختيار
ومن أكل الحصرم منهار** وبيقلك هروا ضراسي
و واحد في عندو قرعه **حلسى مش خرج المرعى
و واحد في عندو قرعه **حلسى مش خرج المرعى
بيشرب مته بالقرعه **ومابيشربها بالكاسه
وفي واحد عامل حكيم **ومفكر حالو حكيم
وفي واحد عامل حكيم **ومفكر حالو حكيم
يعني آثار الحكيم **بآثارو مش منقاسي
وواحد نفسو محرورة ** وناوي يفش الطنبورة
وواحد نفسو محرورة ** وناوي يفش الطنبورة
ولو قلتلو سنيورة ** بيقلك شوف لباسي
وفي وحده زغرتاويه ** وبيقولو زكرتاويه
وفي وحده زغرتاويه ** وبيقولو زكرتاويه
بتمشي بين الواويي ** متل الزاغه الفقاسه
وفي غنوه الدلعونيه**وبيقولوا ملعونيه
وفي غنوه الدلعونيه**وبيقولوا ملعونيه
ولوبتغني غنيه ** بتشبه رابح درباسي
وعندك زكزوك النهار ** بيشبه بيو بالمنخار
وعندك زكزوك النهار ** بيشبه بيو بالمنخار
وبيتفزلك ليل نهار ** و أصلو الحوراني ناسي
وعندك سعيد النسناس ** بيغني وكلو احساس
وعندك سعيد النسناس ** بيغني وكلو احساس
ويا سعيد ويا درباس **ويا طبيله يا نحاسه
والسبع الجايي بلا سلاح **ومضيع وين المفتاح
والسبع الجايي بلا سلاح **ومضيع وين المفتاح
وعميحكيلك بالأشباح ** وبالأوقات الحساسه
وحماده عالتلفون **بيحكي ودمو تقلو طون
وحماده عالتلفون **بيحكي ودمو تقلو طون
ومنشوفوعالتلفيزيون** أكتر من جورج الراسي
جوقه بلا رحمه ولا دين **وضحكوا عاللبنانيين
جوقه بلا رحمه ولا دين **وضحكوا عاللبنانيين
شلة كذب ونصابين ** وحراميه ونسناسي
الطاسه ضاعت في بيروت ** ومابتلاقيها تاتموت
الطاسه ضاعت في بيروت ** ومابتلاقيها تاتموت
يمكن بالعها شي حوت **أومع هيلاسي لاسي
بيحكوا بالطاسه وأحلام **يلاقوها ..والسبع نعام!!
بيحكوا بالطاسه وأحلام **يلاقوها ..والسبع نعام!!
يعني البيدوّر بالشام ** كيف بدو يلاقي الطاسه ?
اياد قحوش
20/10/05
اياد قحوش
20/10/05
ليست هناك تعليقات:
إرسال تعليق