19.10.05

لبنان


جفلت الساعة من بعد ما الزنبرك
من دينتو بصابيع مجنونـه انفرك
والـــوقت هالقلقــان عـــــامستقبلو
بين العقـارب حط حـالو وانزرك
وصاروا العقارب عا بعض يتدللو
وزغيرهم بالكـــاد من بيتو حرك
وكبيرهم مغرور بـــالطول الالـــو
لكــن لحــالو عالدرب مــابينترك
وهيكي اختلفوا عــالدرب وتقاتلوا
وسألوا ظلام الليل مأمور الدرك
قـــام العتم الساعه طنعش بمنزلـو
ركّعهن بقسوة قلـب وحلّ البــرك
فهموا عليه ومن بعد مـــا تأمّـلــوا
بتيابهم تكّــه، وبعد مــا تبــاوسوا

اتفقوا على ضرورة العيش المشترك
اياد قحوش
19.10.05

ليست هناك تعليقات: