عنيد وعنيدي...

بِهالليل الوحيد الأنا متلو وحيدي

وينك تعا وشدّلي عايدي

وقلّي: "الدنيي ما بتسوى بلاكي

عنادك بشو فادك؟... 

لا تكوني عنيدي!!!"

وشوف حالي عليك متل اللّي كأني

مش فارق معي انت ولا بدي تحاكيني

وتكون جواتي عم تصرخ العنه:

"لا تترك صابيعي ولا تبرّد حنيني..."

وفجأة تنأز هيك وتفكر ما بدّي

وتصير تعتذر عن كل هاللي راح

بدك قلبي يلين وقلك ضل حدّي

وشوف بعيونك الموت بلا سلاح

وحسّ دقات قلبك وقّفوا يدقّو

بس فكرو عيوني ما بدن يرقّو

اغمرك لقلبي وصير شد كتير

واهمس وقلك: "بكون مجنوني

بعد ما غطّيت خليك منّي تطير

وانا صرلي سنين عم مرّن عيوني

تحبسك وبشي بحر تشلح المفتاح

وما يعود عندك امل تطير من دوني"

شو صار يعني ان حرقصتك شوي

وخليتك تجن وتفكر نسيتك

انت سرقت مني كل الهوا والمي

وعليك برمت الدني وما لقيتك

وبدك لولا رجعت قلبي يقول خطَيّ

هيك وبدون ما يفرفك عنادك

ويصير اخر دوا لجروحك الكيّ

وقلّي ساعتها عنادك بشو فادك؟؟؟

رولا احوش13.9.15