بعدك حبيبي!!!

بعدك حبيبي بعد طول غياب 
ما تغيّر فيّي شي ولا نتفي
بعدك انت كلّ ما تدقّ الباب
قلبي بيرجف شي ألف رجفه

لا بقا عنّي تغيب بترجاك

كلما تغيب الإشيا معك بتغيب

وبصير انطر تطلّ عالشّباك

حتّى الفرح معك انت تجيب

وتزرع بروحي الشوق واللهفه

عمري انت وانت بحياتي اللون

وقلبي لقلبك بيت بدي يصير

ولولا حواليّي تجمّع الف كون

ما بيقدر يعبّي مطرحك الكبير

ولا بيقدر يرجّح إلو الدّفه…

رولا أحوش

19.10.14