“بيروت”

عاشت حزيني يا حسرتي عليها
ولا يوم نشفت دموع عينيها
كلما افتكرت نشفوا الدمعات
يرجع ابليس ينغص عليها

هالصبيي اللي بقلبها ايمان
بحبك يا ربي بتحارب الشيطان
عنها لا تتخلى رافقها عطول
وتبقى الاميرة ععرش لبنان

“بيروت” حلوي وترابها مقدّس
عروس بيضا متلها ما صار
من يوم لكفك هالكون اسس
تزيّن جبينها باكليل نور وغار
وصار بهواها الكون يتكرّس
كيف منا الشيطان ما رح بيغار
احرقوا بنارك واتركوا ييأس
وقلو اوعك عليها بغدرك تقرب
فيها رجال متل الله كبار !

رولا أحوش

13.4.14