ما بدّي لا ما بدّي

أنا ما بدّي ارجعلك                 ولا بدّي ياك تحكيني

يوم اللّي كنت اشتقلك              بتمحيني كنت وتلغيني

شو صار هلّق شو يعني

تجايي عم تسأل عني

حاملّي بايديك الجنة

وصرلك عمر بتبكّيني

أنا ما بدّي لا ما بدّي!!!

عيوني بعميها بالمرّة              لو قالت مشتاقة تشوفك

بلغي احساسي لو مرّة             لمساتو اشتاقت لكفوفك

اتركني ابقى أنا وحالي

حاكي الوهم حاكي خيالي

ما بدّي تمرّ ببالي

لولا الفرح رح تسقيني

أنا ما بدّي لا ما بدّي!!!

عقلي طيّرتو من راسي            وقلبي رميتو بنار جهنم

ما كنت تفهم احساسي             ولا كنت منّو تتعلّم

حبك لقلبي سكّينو

وصرت سجّانو وسجينو

طلّعت ديني من دينو

ما برجع بحلف بديني

أنا ما بدّي لا ما بدّي!!!