تغيّرت كتير عليي

تغيّرت كتير عليي ما عرفتك عينيي

ولما سلمت عليك ما حسّتك ايدي

لمساتك نار وثلج حرقتني بلا حنيّي

تغيّرت كتير عليي

عيونك متل بركان كان يغلي بالحنان

وين النظرة اللي كانت تغمر قلبي زمان

مشتاقة تضمني ليك

وبنظرة من عينيك

ارجع عيش الحنين

روحي تدوب بايديك

ويوعى الشوق اللي فيّي

تغيّرت كتير عليي

نطرتك من سنين وقلبي دايب حنين

وين الحب اللي كان يمحي مني الأنين

أنا بدي يانا نكون

عشاق نحب جنون

ولغتنا هالغريبة

نحكيها بالعيون

وتحفر لمساتك فيّي

تغيّرت كتير عليي

يا ريتك ما فلّيت حدّي ومعي ضلّيت

ما كانوا شافوا الدمعة حيطانو لهالبيت

ارجعلي متل ما كنت

حبيبي وحدك انت

لولا بقلبي خبيتك

وبدمو لولا سكنت

بترجع حياتي فيّي

تغيّرت كتير عليي

أنا عم برسم أحلام ع مخدّي من الغرام

يا خوفي لو تسرقني وبعدا ما أعرف نام

عيوني دبّلها غيابك

ورجعتلّي وشو جابك

تتقلّي حبك مات

واوقف ابكي ع بابك

وتزرع أوجاعك فيّي

تغيّرت كتير عليي

رولا أحوش

29.11.12