23.11.12

شو مزعلك قلّي !

شو مزعلّك قلّي كاسي حزن ملّي

لولا عليّي قسيت مرّك أنــــا بحلّي

بشرب حزن كاسك وان قرّب وباسك

منو الوجع رح شيل وادخل ع احساسك

ازرع عمري فيك وعليك ما بغلّي

شو مزعلك قلّي



بصوتك بسمع أنين حنيني بينادي

صوت الوجع تخمين بيوجّع زيادي؟

اعطيني منك أمل تازرعو فيني

وينبت ع شباكي "ذكرى" بيكفيني

ويسرق من عيوني نوم العمر كلّو

ومتل شي مجنوني انده انــــا وقلّو

حبّي انا بيشفيك وحبك ما لو دوا

ناري بتحرق فيك ومع كل هبة هوا

اولع على حفافيك واحرق بديّــــاتي

كل اللّي عم يأذيك وترخصلك حياتي

وخرطش على الحيطان من ضحكتك صورة

أيقونـــــة للغفران اركع الها وصلّــــي

شو مزعلك قلّي !



رولا أحوش

23.11.12

ليست هناك تعليقات: