...من درعوني مأصّل

يـــا رَيتنـــا بدرعون مجموعة حمير
نطبّق قانون الحمرَنه ويوعى الضّمير
نشَهنق على جحاش الزغار ويسكتـو
ونسكت وقت ما يشهنق حمـار الـكبير

************

ونصير هيئة حمرَنه ونصدر قرار
مـا في ولا انسان أَوعى من الحمــار
الحمــار لا بيبلُف ولا بيدفع دولار
ولا بيـُـطـعـَن بالقـفـا وبيزيد الدمـــار
مرتاح ما عندو لا يمين ولا يسار
ولا نزَلّ عا بواب نايب أو وزير

************

الحمار مــا عندو مصاري يشتري
أصــوات زور تطيلع الشاري بَــري
ولا مشكلـة عيلـه وتميـّز عنصري
ولا عسكري واقف يحارب عسكري
بالحمرنه ما في زعيم وما في أسير

************

الحمــار مــا عندو إذاعــه للحكي
تكتـّـر حكي وترجع تحمي المعركي
عيّــوق متواضع علـى قدّو ذكــي
مــا بيطعَن وبيصير يبكـي ويشتكـي
عكس البشر ضد الكذب واللّوفكي
لا واسطه عندو ولا بيعرف أمير

************

الحمار ما بعمرو على خيّو اعتدى
مرتاح عندو صحاب ما عندو عدا
فهمـــان الله خالقــــو رسالــــة هُدا
سلّـــة تِـبِــن أحلـــى هديّــة بينـهدا
مــا ربّح جميلــــه لجــارو بـــالغَدا
ولا قبض قِرش وباع حرّيتو لحـدا
ولا عم يفرشي جوخ وينفض حرير

***************

الحمار ما بعمرو بيحمل مَبِخرا
ولا تذكــرا وعيلتــو عالتّذكــرا
ولا دابتو بتطــالب بحقّ المــرا
ولا جحاش بِتقطّش وإكّالة خرا
وعيلــه غنيّه حـدّ عيلــه معتّـرا
بالحمرنه ما في غني وما في فقير

************

وصدفه اندارِت معركة عضّ ولبيط
وكلّ الحمير استنفروا ودار الخبيط
بيتِمّ حصر المعركي بــذات المحيط
وبقلــوب بيضا متـل زهر القرنبيط
!!!بيتصالحو وبيتمّ تقرير المصير