بهاك اليوم المريع
انكسرت العيلي راحت سميرة وصارت بغير
ميلي
تركت فلذة كبدها تعاني وركعت تصلي ليلي ورا ليلي
دخلك يا ربي راوية
اشفيها بنتي بوجعها ما
تخليها
ازرع فيي كل الوجع
والهم وعمري اللي خدتو لو
تزرعو فيها
راوية روايتها اغرب
روايي
من دون ما احكي بتبكي
الحكايي
صبية عمرها من عمر
الربيع
لا فتحوا ورداتها ولا
كتبت بدايي
قلبي انا موجوع ولا
تلوم قلب ام
جوا ضلوعو بنتها مخبايي
تطلّع فيها الرب وقلها
اسمعي بنتك عروس ومطرحها حدي
ومعي
سبقتيها لعندي من شي
عشر شهور وهلق اجا دورها تنقلها
تعي
انا يا ربي سبقتها من
شهور بالسما جايي اوفي الها
ندور
ندر عن بيها الخاطرو
مكسور
وندر عن اخواتها البعدي
تيتموا
ومتلي ع اختهن قلبهن
مقهور
رب السما لإم ربيع ما
كذّب خبر
وقلها خوفك عليها لا
بقا تزيدي
راوية زال عنها
بهاللحظة الخطر
ورح اعمل لِها شو ما
بتريدي
بنتك قطعتي قبل ما تكون
من البشر
وكلمة اشفيها ضلي اطلبي
وعيدي
عروستنا جايي وصار
اليوم المنتظر
تزيّن الجنة بضحكي
وتنهيدي
فتحت الورود ومرج السما
زهّر
يستقبل الجايي من دني
بعيدي
نادى الرب عالملاك
جبريل قلو حضر افخم واضخم جناح
جايي لعنا حلوي من هالجيل راوية جايي لعنا تترتاح
ملاك الجنة تبسم وغنى نزل عالأرض يبشّر كل
الناس
لا تبكوا … تمنّوا
تصيروا عنا الجنة بلا هيك
ناس ما بتنداس
راوية الصبية المتل
زهرة عيد
بالسما حورية وعروس
تتسمّى
هيي جنب ربا عم ترسم
مواعيد
لا تعتلو هما قاعدي
بحضن اما
رولا أحوش
11.4.14
ليست هناك تعليقات:
إرسال تعليق