بالامس

بالامس  ...

حسّيت  الدني عم تضجّ

فيّي تقلي :

قومي ت ... حاكيكي

وصار قلبي ب صدى صوتها يرجّ:

صحصحي!!!

الدني عم توعيكي

ووعيت ...

وعالمرايي حسيتني عم وجّ

تلمع النظرة تقول:

الرب حاميكي

وع شرفتي سرحت

وقهوتي عم مجّ

السكر ندهلي:

"حلّي اذا فيكي

وخلّي الحلا من قطر خدك يكجّ

ويرسم ع مبسمك ضحكي

ت يرضيكي

وانت تصيري تزيدي دلال وغنج

والدنيي تفكّر انوالحب عاميكي"

صدّقي يا دني

هالحب ابرة بنج

شاري ال بايعك

وبايع ال شاريكي

رولا أحوش

09.10.2019

حلم ووجع

متل الغريب!!

متل الغريب عيونك فيي تطلعوا
ومن يومها عرفت انن ما رح يرجعوا
راحوا وتركوا عتب ع قد السنين
الكل لحظة فيها كانوا عم يتدلعوا
ما عدت اعرف كيف رح اشكي ول مين
وشو بقول عن دمعاتي ال عم يتوجعوا
وعالجمر عم يتمرجحوا شمال ويمين
ونكزه بتكفي حتى يهبو ويولعو
بكذب لولا بقول رح احلف يمين
وما خلي عيوني ل ورا يتطلعوا ...
ردني ... ت ارجع حس انا ليش؟ وانا مين؟
انا اللي فيك حواسي الخمسه تجمعوا !!!

رولا أحوش
18.06.2019

هبيلة!!!

لم جيت عن حبك تحكيلي 

انا ... بلا تفكير ... صدقتك

وصرت فتش هيك عالحيله

ال فيها بعيوني علقتك

وبلشت الافكار توحيلي

وفكر اني من نومك سرقتك

صحيح اني مش بس هبيلي

وكمان بلا تفكير .. ت صدقتك!!!

27.3.19

مية ضرب

صدق انا من كتر ما بنحب

صار حاببني يمكن شي مية شب

هيدا عيونو زرق بيشبه شباب الغرب

وهيدا بحبي غرق متل روميو حب

بس انا ما قدرت سكن بهالقلب

الا اللي طعماني باليوم مية ضرب!!!

٢٠/٣/٢٠١٩

لا تنامي!!

حاسي رح يوقع زلزال

ويزلزلي ايامي 

لا عالخاطر ولا ع البال

عم يحفر باحلامي

من دون اذن ولا سؤال

صرت بشوفو قدامي

هيدا حب ولا خيال؟؟؟

عم يسرق متل حرامي

من نومي راحة البال

وبوشوشني "لا تنامي"

١٩٠٣٠١٩

دونجوان!!!

انا رح جبلك اشيا كتير

ويمكن جبلك ... آخرتك

ولك خلي الزير بهالبير

والا جرصة عملتك

بتنكر انك دونجوان 

وبتقلي لا تحبيني

وبتقول حالف عالنسوان

وصرت حابب دزيني

رح احكي كل المخفي

وما رح خلي ولا بقي

لو عني شغلي بتخفي

مني شو رح بتلقي

لساني بعدو كتير قصير

مع اني مش طايقتك

مهما تنكر انك زير

ما تفكر مش شايفتك

الحلوي وال شكلا تعتير

حبيتن .. وحياة اختك 

ت زغر عقلي الكبير

وطلع الزير من البير

والعن ساعة ال شفتك!!!

١٩٠٣٠١٩

بعدو الوجع محمول!!!

يا ريت فيي اقبعو ل هالقلب

ما اترك فيه ولا وتر موصول

بعرف صعبي عيش من دون حب

بس ضل حبك هيك مش مقبول

متل الورم عم تمشي بعروقي 

وبدعس ع ايامي وبقلها: روقي

لا توقفي هلق بعدو الوجع محمول!!!

١٩.٣.١٩

حبله!!!

صرلي سنين وانا حبله فيك

ع قد ما بردتني ع اكتر بدفيك

لا كنت اعرف طلعك من القلب

ولا قصدي ردك ع مخدعي وغفيك

يا ريت فيي خلفك وارتاح

وقفل ع همي وكب هالمفتاح

وصلي لربي ... مني ما يشفيك!!!

15.3.19

كيف؟؟

كيف اغلق عند جنونك ابوابي 

وقد تتسلل كلص من نوافذي!!!

04.03.2019

اتقيأك!!!

احببتك في الماضي حتى التخمة
واذ بي اتقيأك اليوم
حتى الموت

16.2.19

لو غيب

صدق انا لو غيب رح تندم

وصدق ما فيك تجيب متلي بعد

ب لحظة بعد عنك عم بحلم

خلي القلب يدوق طعم البعد

وبعز صيفو يدنق من البرد

29.10.2018

بدي قلب...

من قلب حزني والوجع بهرب أنا

بركي بلاقي فيك ... نقطة من فرح

صرلو سنين هارب وسارق مني الهنا

ومش تارك محلو الا كتير من الجرح

انا ... ما بدي من الدّني جاه وغنى

بدّي قلب ... لو إنوجِع ... هو يندبح!!!

19.10.18

عمري امانة

وتوته...

جميلتي...

لا تثأري من قلبي يا جميلتي

فالثأر بالجميلات لا يليقُ

كم من جميلٍ تاه في بحوركِ

متوهّماً أنّه الحبيبُ والعشيقُ

لا تبنِ للغرور فيك مسكناً

وليكن قلبُك رحومٌ شفوقُ

إنّ مَن امامَك زجاجٌ مبعثرٌ

جدرانُه سوداءُ يأكلها الحريقُ

بالله لا تهادي في جمالكِ

الخالقُ أبدعنا خشنٌ ورقيقُ

فالكلّ لديه ثمينٌ كجوهرةٍ

لا فرق بين حجارة ... وعقيقُ!!!

4.7.18

موت العمر...

موت العمر 

متل الحبر 

الما بينشف ع الورق...

كيف لولا كتبنا فراقك

ب دمع ... القلوب

شو بخبرك عن قلب عالبعد احترق؟

وبعز شمسو صار مايل عالغروب

وينك يا ربي تقصر هالدروب!!!

01.06.2018

اولا واخيرا

نجم الافق...

كالنجم تلوح في الافق
فترسم اسارير الغسق
وتظلم لو غبت ... طرقي
لاعيش في ظلمة الشفق
انا اخشى رحيلا يقلقني
اه من حرقة القلق!!!

بحبك انت تقتلني
احاول جاهدة انساك
على شهب تأتي وتحملني
ويشع من نور محياك
نورا كالنار يحرقني
فاذوب واختلط بدماك
ويلي كم انت تملكني
وصعب ان احيا بسواك!!!

رولا احوش
15.04.18 & 16.04.18 @ 12.00 am

يا رب