4.10.16

انت اللي غيرك ما بدي ...

انت العطر انت الزهر اللي بيزين ليلاتي
انت الورد انت الوعد اللي بيلون حياتي
انت الدفا انت الوفا ... انت الدمع انت الغفا
انت اللي غيرك ما بدي ...

انت الامل انت الحكي اللي بيصور بسماتي
انت الرجا انت البكي اللي بيحلي دمعاتي
انت اللي قلبي بتجرحو ...انت اللي فيك تفرحو
انت اللي غيرك ما بدي..

انت الصلا انت الوجع اللي بيرافق سهراتي
انت الحلا انت الولع اللي بيخربط اوقاتي
انت اللي حالي هالكا ... انت اللي روحي مالكا
انت اللي غيرك ما بدي...
انت حبيبي وعمري انت
ولولا وجودك انا ما كنت...
انت الغريب انت القريب
لولا قساك انا ما لنت...
وانت اللي عايش بقلبي .. واللي بدمي ساكن انت
انت اللي غيرك ما بدي...
تعا لقلبي تضمك
تعا لروحي تشمك
لا تبعد خدي عن تمك
وتشمت فيي المخده..
انا اللي غيرك ما بدي...

من قبل ما تكون الدني
وقبلا بي شي مية سنة
كنا سوا والولدني كانت تندهلك بدي
تبقى العمر كلو حدي
وانا اللي غيرك ما بدي...

3.10.16

ليست هناك تعليقات: