ويل قلبي

يا ويل قلبي شو نادى ت تطل
وما كان قمرك على ليلي يهل
يا ويل قلبي شو بكى عيوني
وشو قال عني فيك مجنوني
وشو انبح صوتي يندهك لا تفل

من كتر ما اشتاقت الك العيون
مش عارفي ع مين بدا تمون
تقلو يوصل غصة الدمعات
تحرق نبض قلبك هالمجنون
وتركض لحضني وجوا ضلوعي تغل
ويا ويل قلبي شو نادى ت تطل

هونيك ... مطرح ما كنا نتلاقى
صار العمر اشواق حراقه
فيها الجمر رمد على الفراق
وفيها الشجرة اصفرت وراقا
تنطر خيال الحب عروقا يبل
ويا ويل قلبي شو نادى ت تطل

رولا احوش

27.8.15 @ 00:12 am