27.7.15

جوانا!!!

ع اسم تلميذ سموه "الحبيب"                وبحبو لربو كتبلو انجيلو
او ع اسم نبي من ميّة الطيب              عمّد شعوب الرب والسّما تصليلو

بالسّما اسمك مزيّن قداسه                   من المعمدان للحبيب لتمّ الدهب
"جوانا" اسم "يوحنا" والاسم الاساسي                 "حنه" الحملت ببطنها امّ الرب

وآب حامل معو العزّ والامجاد
بأولو عيد الجيش ودم الشهادة
و"مريم" بنصو عيدها زينة الاعياد
تزرع بقلبك ايمان وعبادي
وبآخرو "يوحنا" من ميّة العماد
يرشرش ع عمرك سنين وزيادي

وهلق دوري اتمنى انا صار    احلم شوف بنتي بالابيض عروس
بيت وعيلة وولاد كتار زغار  الرب حارسهن ومباركهن القدوس
واحلم شوفكن يوم ختيارة وختيار من الصبر والحب عم تعطوا دروس

يمكن انا مش امك ولا انت من دمّي
بس لو الرب ببنت بينعم عليي كان
ما كان رح اسمع من تمّ "يا امي"
احلى من البيقولها تمّك الفرحان
وتزرعي البسمة كل صبح ع تمّي

"جوانا" بعيدك بدي قول كتير   الرب يحميكي لأهلك وناسك
ومتل ما انا تاج راس ريتشي الزغير
واكليل حبّ ع جبين روني الامير
يخلّي امك تاج فوق راسك

ليست هناك تعليقات: