بدي لوع قلبو شوي

بدي لوع قلبو شوي      هيك ما بيقدر ينساني
يعني اللي ايدو بالمي    مش متل اللي شعلاني

مبارح قلتلو يا خي
والله حرام وقول خطي
بيكفي تبكيلي عيوني
كل يومين والتاني

لو يحكيني مش رح رد            ورح درلو الديني الطرشا
لازم يقبضها عنجد       ويعرفني مش سئلاني
بركي ع قلبي بيروق
وبعد هالغيبي بيزوق
وبيفهم انو قلبي
ما بيعشق عالعمياني

بدي خلي عيونو تجن    ومن الغيري ما تعود تنام
وخلي قلبو الليلي يحن   وتغلي روحو البرداني
يمكن رح يحكي خيالو
ويمكن يحكي لحالو
قيس اللي بليلى مجنون
متلو رح يترجاني...

بدي لوع قلبو شوي
هيك ما بيقدر ينساني

رولا احوش
28.2.15 @ 1.20am