4.3.13

ناوي عالهجر

يعني ناوي عالهجر        مش مارق غيرو بخيالك

ليش تموتني قهر           ما بخطر مرة ع بالك

ما بتذكر هاك الليالي       الفيها ياما انسى حالي

وياما يحرقني الجمر

وهلق ناوي عالهجر...



كل الناس اللي حواليي     بالماضي ضحكوا عليي

ضحكاتن ياما تجاهلتا      مابدي ويمكن ما فهمتا

هلق على وجوهن شفتا

ضحكات بتبكي الحجر

وبعدك ناوي عالهجر...



شو بعمل بحالي قلّي       عم بندر ترجع وبصلّي

ترحم قلبي من عذابو       للحب تشرّع بوابو

أنا عيوني سهر دابو

وفيهن اسودّ الزهر

وبعدك ناوي عالهجر...

رولا أحوش
03.03.13

ليست هناك تعليقات: