يمكن ايه ويمكن.....ايه!

دخل الجنرال الى اليرزة في أيار 2005 فأطل الحكيم عليه وجلسا يتكلمان وجدانيات ثم وجدانيات ثم وجدانيات
ولغة العيون وصلت من القلب الى العقل وكان الحوار التالي:

الحكيم: وهلق جنرال شو عم بيصير برا؟ خبرني من وجهة نظرك
الجنرال: ولا شي كلو كذب بكذب وانت بتعرف يا سمير انو انا ما بتحمل هيك وضع. اول ما جيت اخدوني بالاحضان وكل واحد صار بدو يشدني صوبو وبعدين صار كل واحد يجي بدو يعمل صفقة قدو. معقول؟ انتبه يا حكيم واعرف شو ناطرك
الحكيم: شي غريب؟ يعني من 11 سنة لليوم ما تغيرو؟
الجنرال: مبلى تغيرو! من سيء لأسوأ
الحكيم: انت برأيك جنرال كيف بدنا نتحالف بالاتنخابات حتى نكون نحنا طوقناهن لأن حسب كلامك عم يحاولو يطوقوك من بعد ما فركشو قانون العفو. ما بدن حدا غيرن بالبلد فلازم نحاول نبيّنلن شي والمضمون لازم يكون شي تاني شو رأيك؟

هون الجنرال تفاجأ من لعب شخصيتين بس لما قلو الحكيم: ما تخاف مش المقصود التمثيل عالناس، المقصود تمرير الانتخابات بطريقة اذكى من كل هالطبقة الحاكمة، كل تحالفاتن كذابة متلن فنحنا لازم نلعب لعبتن

الجنرال: ريحتني حكيم ومنك نستفيد! قللي انت شو رأيك؟
الحكيم: حسب يللي عم بعرفو من ستريدا انو في هجوم جنبلاطي حريري على الحكم ونحنا لازم نفرجيهم حجمنا وبنفس الوقت مش لازم زعرناتن الانتخابية تخليهن يعرفونا اننا متحالفين حتى ما يقرروا يكسحونا تنيناتنا
الجنرال: ايه والله يا حكيم هالقانون في ظلم للبنانيي وخاصة للصف المسيحي ومصلحتن كانت انو يضل قانون 2000 يللي بيضم الاقضية المسيحية للأقضية الاسلامية حتى يطلع المتحالف معن بصوت القضاء الاسلامي لأن بتبقى الأغلبية الاسلامية بهيدا القضاء
الحكيم: يعني الافضل عدم التحالف ظاهرياً حتى ناخد لنو كم مقعد بمناطقهم هني هيك بناخدن من دربن باسمنا وبعدين بنخبرن التحالف على البرنامج بالمجلس كيف بيصير

هون الغصة بقلب الجنرال وصلت لقلب الحكيم لأن القصة مندارا طائفية بس شو طالع بالايد

تنهد الجنرال وقال: يا حكيم بعدك حكيم! بس أنا ما بقدر اتحالف معن لأن انت بتعرف موقفي من قرنة شهوان اللي كل واحد منن لاهت على مقعد مع مين ما كان ومش فارقة معو تحالف
هون ضحك الحكيم وقلو: ولا يهمك جنرال محلولة بما انو ستريدا بقرنة شهوان وقريبة من البطريرك صفير وانت بتعرف انو الأفضل ستريدا تتحالف معن متل ما بيناسبنا مع شوية تنازلات لأن على لوايحن ما فينا نعمل غير هيك
قاطع الجنرال وقال: برافو حكيم لازم تحط تقلك كلو وستريدا قد الحمل لأن هيي صورة الحكيم بهالمرحلة وكرامة الحكيم كل اللي بيحبوك بينتخبوها

ومشي الحديث حسب التقسيم المناطقي بالانتخابات:

الحكيم: بالمتن وكسروان وجبيل انت عندك شعبية كبيرة، وطائقية ما راح يقدروا يلعبوها بسبب الوجود المسيحي الطاغي اذا اخدتها كلها صحتين واذا في خروقات بيكونوا النا او للكتائب وبالحالتين ربحانين
الجنرال: صح بس بباقي المناطق رح يلعبوها وسخة! بتمنى انو يكونو مرشحينكن على ليستاتهن فايزين واذا انا خرقت بنكون تنيناتنا مستفيدين واذا لعبوها بضمير.....

الجنرال قال كلمة ضمير والسخرية بينت على ملامحو
الحكيم ابتسامتو ع شفافو والدمعة بعينو وقال بحماس: يا جنرال اذا لعبوها بضمير وديموقراطية بتاخدها مش بس ببعبدا عاليه كمان بالشمال اكيد بس بدك ضمير
الجنرال: يا سمير الله كبير الن يوم خليك ع ايمانك واللي بدنا ياه بيصير
الحكيم: بس طلب كتير صغير
الجنرال وبفرح: اطلب شو بدك حكيم نحنا خرطوش فردك
الحكيم: له وَلََو! نحنا تلاميذك جنرال. بس بدي منك تحط ببعض لوايحك ممثلين عن القوات اللبنانية حتى اذا اخدت اللوائح كاملة يضل النا مطرح
الجنرال: مطرحك محفوظ حكيم وزيارة ستريدا لعندي هيي والشباب صدقني كانت شرف لالي ولما قلت انو كنت متمناك بيناتنا قلتا من كل قلبي وصدقني ما رح خليهن يعرفو ينامو كل شي وانت مش نايم ببيتك ومع عيلتك
الحكيم: الله يقويك جنرال، وطلب تاني ما تنسى البشير
الجنرال: انت ابن اصل وبيت الجميل ع الراس والعين

التفت الجنرال على الساعة وقال: اوف! ما حسينا بالوقت صار الي ساعة وانشالله يا حكيم باسرع من هالساعة رح نشوفك بيناتنا ونحنا سوا ايد بايد رح نبني لبنان ونعيشن الحبس والمنفى جواتن بيدون مسافات وقضبان
الحكيم وبلهفة: انشالله يا جنرال انشالله بقوة السما وثقتنا بالشعب اللبناني العظيم رح نعمل لبنان احلى ما كان
الجنرال:يا حكيم صار لازم فل، خلص وقت الزيارة وانشالله مرة الجايي بنزورك ببيتك

الحكيم وبفرح لأنو الامل صار موجود والفرج قريب:
"جنرال خليك بعد"

الجنرال: يا ريت بس....

غصة هالشب متل السكين بقلب هالختيار المقهور وخلّتو يتعهد على نفسو وقدام السما انو قضية الحكيم هيي قضيتو ويدبرو راسن غصب غنن بدن يفهمو انو الكرة الارضية بتبرم باتجاه واحد مش كل واحد بيبرما على ذوقو


قولكن هيك هيي القصة؟

هلق خلصت الانتخابات ورقنا وبلشنا نحلل بلا هجوميي وبلا عصبية وع رواق....

ليش ستريدا ما حكيت ولا كلمة ضد الجنرال من الاول للآخر مع انو كل اللي متحالفة معن ما خلو ولا بقو
والجنرال حكي عن وساخة الكل وحتى عن قرنة شهوان وما جاب سيرة ستريدا ولا مرة

ليش قولكن راح الجنرال عند فرنجية وراحو سوا عند كرامة، مش كرامة هوي يللي .... فهمكن كفاية عن هدف هالصلحة!

ليش سعد الحريري زار الجنرال بعد زيارتو للحكيم قولكن لاحظ شي؟

هل حقاً طلع الفرنساوي؟

http://www.syria-news.com/newstoprint.php?sy_seq=7653

وينك لبنان؟

تجارة الموت أربح تجارة بهالأيام ونهر القتل عميقطع الشجر الواقف بوج الريح وصار لازم نركع لنعيش ونزقف للايد الملونه بالدم ..
قديش في ناس ماتوا وماتت معهن قصتهم ..الأرمن انقتلهن مليونين والسريان مليون وبلبنان وفلسطين والعراق الحبل عالجرار ..وبكل بقاع الأرض ..الظلم صار أكبر من المساحات والقهر خنق كتير حناجر ..قديش مات بشر وفي بقلبهم غصة وقصة ..

قولكم اذا بيرجعوا وبيحكوا الحقيقة ..رح تطلع حقيقتهم قريبه من الحقيقة يللي منعرفها
ليش هلقد منكره بعضنا ?
ليش موتنا الحكي ?ياناس ياهو في حدا عميسمع ?مين عطانا الحق لنحلل القتل ?
أنا زعلان وحزين ..هالأرض عملناها جهنم وبتوسع كتير شياطين ..هالأرض صارت المنفى ونحنا قطاع طرق ..دركبنا حضارتنا من حد القمر ..ووقعت عراس الميدنه ..غص الجرس وقالياعيب الشوم ..كل يوم عمتقتلوا الله ..
أنا زعلان وخجلان اتطلع بالخريطة و دوّر ع بلدي ومالاقيه ..ياهالبلد المعذب ..عضهرك معلّمي خطوط قشاط الجهل وعخدك مبين كف الديبياهالبلد ..شو صار فيك هيك ماعاد تقدر ترفع عينك وتطلع لفوق ..نخّخوك ?مديت ايدي لحتى امسك الأرض نخزتني الدنيقاعد لحالي شيل الشوك من ايدي ..يمكن تزحط الشمس وتغمرني من جديد لأني بردان ..ويمكن تنشق الأرض وتبلعني ..
ومش فارقه معي أنا صار لازم روح دوّر عمطرح

إياد قحوش

دعوة للتغيير وللمصير!

كل يللي عم يحكوا عن المصالحة والتحالفات اللا طائفية: سؤال واحد:
كم مقعد اخدو وكم مقعد عطيونا؟
متل ما كانت مقبولة الهيمنة السورية باسم العروبة
هلق عم يقنعونا بالهيمنة الزعامية باسم اللاطائفية
بيقولوا عنا طائفيين
وهني خايفين من لا طائفيتنا على طوائفن ومقاعدن
بس تاخد كل طايفة حقها، ساعتها بيصير في توازن وما بيعود في حدا مظلوم وما بيعود في حقد من طائفة على تانية وبالمساواة يطالبوا بالمحبة مش بالقوة والجبر
يمكن هيني واحد يكره التاني وخاصة بالحرب بس تخلي ينام بيكره ويقوم بيحب مش بهالسهولة لما القيادات تقاتلت ببعضها خلت الشعب يكره بعضو ويحقد سنين بس "دخول الحمام مش زي خروجو" يعني لما بتقرر القيادات تتصالح وتخلط المصالح صعبي الشعب دغري يفهم ويقبل وينسى بهالسهولة مش لأن بدو يضل بيكره بس لأن "شو ذنب الصغار بحرب الكبار" نحنا مش دمى ولا مشاعرنا وافكارنا ريموت كونترول بين ايديهن نحنا لازملنا اعادة تأهيل للبنان جديد عقياسنا نحنا كلنا مش هني بيوسعوه بس توسع مصالحن وبيضيقوه بس تضيق ووبيصيرو يتغنو بالمصالحة والناس ما عادت تفهم شي لأن الناس ماشيين على مبدأ وقرار ما بدن يغيروه كل ما لاح الهوى متل الكبار
الكبار بالكرسي والصغار بالقيمة ونحنا كبار بنفوسنا وبمبادئنا اللي ما حدا بيقشطنا ياها لأن نحنا عملناها ما حدا عطانا ياها من الأساس قد
يكبروا صغار بنظرنا واذا صغرونا لأنن بيخافوا نكبر اكتر بس الاكيد انو نحنا بنكبر كل يوم بنظر حالنا وبنظر كرامتنا بس هني لا راح ما يكبروا لأنن هلقد حجمن واكتر من هيك ما رح يصغروا لأن وصلو للماكسيموم

نحنا لبنان ورح نبقى وهني الرواسب السودا اللي رح تزول وبايد واحدة وصف واحد الشعب اللبناني كلو بيقدر او يسقط وطن او ينجح وطن فشو بدنا وطن ساقط معن او ناجح من دونن؟

Analyse

لكل اللي عم ينتقدوا الجنرال بدي قول:

اذا عتبكم ع قد المحبة مقبولة منكم بس اعرفوا انو كل اللي كانوا بالحكم خلال 15 سنة كانوا يعتبروا السوريين وجود مش احتلال والوحيد اللي اعتبروا احتلال هو الجنرال ودايماً كان يقول انو كل مشكلتو مع سوريا هيي الاحتلال وبس تصير ببلادها ما في مشكلة بالعلاقات الصحيحة معها بس للتذكير انو كلن حافظوا على كراسيهم كل هالسنين بفضل السوريين وهلق فلوا السوريين فطبيعي يميلوا للشعب باستغلال مشاعرن حتى يقدروا يحافظوا على كراسيهم خاصة انو هلق فترة انتخابات

تعو نسترجع سوا بعض الامور بسرعة :
ليش توبة وليد جنبلاط مقبولة وتوبة البقية لأ؟ بشو وليد جنبلاط احسن من طلال ارسلان؟
كل الاغتيلات بلبنان من 20 سنة لليوم برأي الكل عمل صهيوني فليش من شهر لليوم بلّشو يكتشفو الاعمال السورية وهون بيذكروني بالمسلسلات المكسيكية اللي البطل بيضل فيها حمار 499 حلقة وبالحلقة 500 والاخيرة بصير ذكي وعم يكشف كل الامور ... اغرب شي انو تسمع نسيب لحود عم ينتقد الجنرال لانو قال انو ميشال المر ما تعاطى سياسة من 2000 وقال نسيب لحود انو ابنو كان مستلم السلطة وهني رموز الفساد فليش ابنو هلق وزير دفاع بحكومة الحريري وجنبلاط قرروها يعني حطوا فيها رمز من رموز السلطة... اذا واحد كان وفي لعلاقة قديمة بتربطوا بعائلات سياسية من دول اخرى ويمكن كون هالدولة كانت حاكمة طبيعي نفذ اوامرها متل الكل ومنن سليمان فرنجية بس انا ما سمعت ولا ام او اخت او بي قال انو سليمان فرنجية خطفلوا ابنو وعطاه لسوريا كلن قالوا الحزب التقدمي الاشتراكي و حركة امل ما حدا جاب سيرة طلال ارسلان مثلاً والغريب انو بيسمو ارسلان جندي بالجيش السوري معليش ما هني ظباط بهالجيش
سؤال: نحنا ما سعينا للطائفية بالعكس مين بينكر انو التيار الوطني الحر كان الو اكبر وجود ب 14 آذار واول ناس نصبو الخيمة بساحة الشهداء واول ناس رفضو يتركو الساحة وتيار المستقبل وآخر ناس فلو من ساحة الشهدا... كل العالم بيعرف هالشي وكانت المظاهرة والقصص كلا مواجهة لمظاهرة حزب الله وحركة امل وغيرن وفجأة بنلاقي القيادات المسلمة رجعو لفو على بعضن وتضامنوا وقرروا هني يقسموا المسيحيين اذا هني قرروا يفككوا قرنة شهوان فشو ذنب الجنرال اذا ما تحالف مع ناس مش عارفين شو بدن يعني الافضل هو العدو الوفي من الصديق المتقلب . وين شايف سعي للوحدة الوطنية مع المسيحيين ما اللي كانوا عم يتهموا ميشال المر فيه (المجنسين) هلق راح اشتراهم سعد الحريري وصار بدن ينتخبوه
واللي من فترة انتقدوا الجنرال انو بيطلع يحكي من ورا الزجاج وعامل بطل مبين هيدا سعد الحريري عم يحكي من ورا الزجاج وحسن نصرالله دايماً عندو زجاج او المحبة خصايص والبغض عموم

انا بدي اسأل مش ميشال المر بقي سنين وزير بحكومة الحريري ونائب بمجلس بري وكلن كانو نواب ووزرا وقت كنا نتوقف وننضرب وننرش مياه ليش ما حدا قلو يا ميشال المر شو عم تعمل كان وقتها ع قلبن احلى من العسل وجود الاجهزة ولهلق بنشوف انو ما حدا ولا حدا فكر يحاكم هالنظام بس كل همن اقالتهم بس تيقيموا الشعب ويستغلوه بدم الشهيد رفيق الحريري وكأن هوي الشهيد الوحيد والسؤال ع أي جبهة كان عم يقاتل ؟ وشوف ابنو قديش حافظ كرامة لهالشهيد؟ وللاسف انو هلق لما ما تحالف دوري شمعون مع الجنرال تذكر انو ما زرلو قبر خيو بس نسي انو الجنرال كان يبكي كل يوم بس ينذكر داني هلق كمان صارت سياسة دوري شمعون اللعب على العواطف وزرع الكره بين الشباب واستغلال موت خيو ضد الجنرال
ودخلك الغريب اكتر ستريدا جعجع ب 11 سنة ما حدا فكر يزور جوزا، الجنرال زارو واعتبر حالو عم يعمل واجب وطني وانساني ليش جنبلاط ما زال عم يدعي للمصالحة الست ستريدا كل يوم عندو وعند سعد وغيرن ليش هني ما بيزوروا جوزا تيكرسوا هالمصالحة ليش تركت عمر كرامي يتاجر فيهن وما طلعت وقفت على خاطروا مع يللي طلعوا لو عنجد بيهمها القوات اللبنانية ومعترفي بتضحياتن كانت ما سمحت بكل المد والجزر يللي صار كرمال قانون العفو بس ضلو يضحكوا عليها ويجرجروا فيها حتى وصلنا عالانتخابات وبعدو بالحبس اللي بدي قولوا انو ما قدرت تفهم انو مصلحة حزب الله ونبيه بري وكل اللي عم يشد ع مشدن من جنبلاط وغيرو ما بدن يقوى الصف المسيحي لانو بدو يضلوا مهيمنين بغياب سوريا
كانت قبل الحصص مقسمة عليهن وعلى سوريا فبما انها فلت بيفضلوا تزيد الحصص من انو يكون في حدا جديد بيعتبروه دخيل وخاصة اذا كان عندو قاعدة شعبية لبنانية متل الجنرال عون وقاعدة مسيحية متل الدكتور جعجع

بالنسبة للكل من شهرين كان التعامل مع سوريا هو تنسيق وطني لمصلحة البلدين وهلق صار ذكر اسم سوريا عمالة، وين اسرائيل والصهيونية اليوم ؟ بطل فيها عملاء لالها اذن شو عم يعمل حزب الله بعدو؟ بمواجهة مين هوي اذا صارت اسرائيل بريئة من كل الاحداث بالفترة الاخيرة.
الغريب اكتر هوي النفاق وتدوير المصالح وبيع المبادئ العلني من كم يوم كان نصرالله يتهم ويقول انو القوات اللبنانية بطريقة غير مباشرة المسيحيين تعاملوا مع اسرائيل واليوم يتحالف ويتصالح والقوات اللبنانية في بعبدا عاليه طبعاً ما بننسى انو كل الامور تجري باشراف جنبلاطي وتمويل حريري
طيب ليش المصالحة بدا تتم بين حزب الله والقوات
وحرام تتم بين الجنرال والمر و.....
اذا مظبوط هني بدن يغيروا البلد هل التغيير قائم فقط على حماية سلاح حزب الله وكشف حقيقة موت الحريري وخروج سمير جعجع هيدا بس اللي حارق دين لبنان من 15 سنة وجايين يصلحوه هلق
ما لقيت واحد عم يحكي عن شي غير هل 3 اشياء. مظبوط نسيت شي واحد بعد مسبات واهانات طالع نازل عالجنرال وتيارو.. وبلد بدو يركب بهيك ناس اكيد رح يركب بس عشو ؟
يعني اللي ما بيعرف لبنان وبيسمع اخبار من شهر لليوم بيفكر انو جنبلاط رئيس البلاد بس هيدي طويلة على رقبتو

انا بدي اسأل اليوم ستريدا جعجع اذا اختلفت بكرا مع نبيه بري قولكم جنبلاط ونصرالله وسعد مع مين رح يصفوا؟
ونفس الشي جبران تويني؟ بينما هني ما بيختلفوا والدليل من 14 آذار لليوم تغيرت كل المقاييس ورجعنا شفناهم كيف رفقاء الدرب الواحد درب الفساد والجرائم ما استغنوا عن بعضن واللي اتفقوا مع سوريا واسرائيل واميركا لاطاحة الجنرال وسرحوا ومرحوا كل هالسنين ما رح يقبلوا رجوعوا بعد مروره بالكونغرس وبالرغم من رفضن 1559 هلق شوف كيف عم يسهلوا امور ومشروع اميركا عن قصد او غير قصد مش مهم بس ما حدا بينكر انو اميركا لو بدا تدعم الجنرال ما حدا بيمنعها بس العكس اللي عم يصير هني عم ينفذوا افكارها بالتهم اللي عم تتوجه ضد سوريا واللينانيين اللي عندن خط واضح وثابت حتى يضل لوجودها مطرح عنا

هيدي لغة التخوين صارت لعبة قديمة ومبارح اعتذر قدام كل البشر ميشال المر من التيار وكلنا شفناه على التلفزيون فالصلحة بتبلش دايماً باعتذار الغلطان ويمكن ما في صحبة الا بعد خناقة وخاصة انو هوي اللي اجا لعنا نحنا نشحطوا من الباب يفوت من الشباك فليكن وقت يللي غيرو ما عم يفكر ولا حتى يسأل عنا من بعيد...
يمكن نقطة القوة بالاعتذار مش بالانصياع... انتبه مش عم دافع بس الاعتراف بالخطأ فضيلة....
صدقوني القصة ما الها علاقة بمع مين التحالف بيصير، الها علاقة على أي اساس. في مشروع عند الجنرال اللي بيحب يمشي بهيدا المشروع اهلا وسهلا فيه. ما فينا نرفض حدا طالما ما في ولا حكم صادر بحق حدا ولا بدنا نوجه اتهامات قبل ما يصير محاكم وادلة هيدا كل الموضوع


بيبقى بالنهاية البطرك صفير اللي خاذلنا بالفعل
شو عم يعمل لاطلاق المعتقلين
يطلع على سوريا، يطالب فيهن
ما بيتنازل؟ ليش المصالحة بالجبل وايد وبايد مع وليد هيدي رفعة راس مقابل انو نص المهجرين ما رجعو
والروحة على سوريا للمطالبة بولادنا واخوتنا عيب بالعكس يا بطركنا هيدا نصر حتى تكون حفظت شي لالك بالتاريخ وبالابدية

لمابيصير في توازن بين الطوائف ساعتها فينا نحكي عن تعصب أو لا؟ بس لما طائفة رح تحس انها تمحى على حساب طوائف اخرى اكيد رح تستنكر

يعني التحالف بين الحريري وجنبلاط وبعض القوى المسيحية الا ما عندها تمثيل شعبي ليش برأيكم، حتى يقول تحالفنا مع المسيحيين ونحنا مش طائفيين بس بدن يحجموا المسيحيين بهيدي الطريقة باعطاء الاحزاب بعض المقاعد باصوات المسلمين حتى اذا شي نهار فتحو تمن يقولولن لولانا ما كنتو.
يعني كتير مهم نشيل من الطريق سليمان فرنجية وميشال المر وكل الزعامات المسيحية الكبيرة هيك بتخلا الساحة للزعامات الاسلامية للتحكم بالبلد اكتر مما تحكمت فيه كل هالسنين بس لبنان ما رح يكون السعودية ولا ممكن!
شو هلق نايلة وجبران وستريدا وكلن هو المسيحيين اللي تحالفوا مع البريستول راح يحكوا بصوتن او بصوت الحريري وجنبلاط؟ واذا فرط هالتحالف قديش رح يكون الن ناس بأيدوهن بين الشعب يعني رح ينعزلوا بالمجلس وبراتو وهون المأزق اللي وقعو حالن فيه فكروا انو هيدا التحالف انتخابي والمهم نوصل بس ما عرفو انو الناس نكرتن وصار التحالف انتحابي؟
سؤال بلا اهانة:
بالاساس شو هيي قضية القوات اللبنانية من 25 سنة لقبل التحالفات؟
هل بيزبط تنفيذ هالقضية ذاتها هلق؟ الدفاع عن الصف المسيحي؟
كيف؟ بضرب التحالف؟ مستحيل فاذاً ذكية منك يا سعد ويا بك انو تاخدو اللي ضدكن لعندكن حتى تحافظو على راسكن وتكسرولنا راسنا.

آخر خبرية:
حزب الله حاملين اعلام عاملين كونفوا بالجديدة والسد والفنار (المتن) قولك بيقدروا القوات والكتائب وحتى تيار المستقبل وحركة امل ينزلوا يعملوا شي ميني كونفوا ما بدنا نتقل كتير بالضاحية؟

هودي هني اللي عم تدافع عنن يا صاحبي
معليش ما حدا احسن من حدا وبالحرب كل السلاح مسموح ونحنا سلاحنا بعدو كتير ابيض قدام سلاحن الاسود الوسخ الملان بالرشوات والتحالفات الكاذبة والسرقات والدم....
انشالله نتعلم لانو الحمار بيتعلم من كيسو والشاطر بيتعلم من كيس غيرو
قولك نحنا شو؟

أجمل تحية للكل يا ريتكن بتعرفوا تحبوا بقلب وعقل كبار كنتو بتعرفوا ليش نحنا هيك وما رح نتغير! ما تحلمو

هل تغني فيروز يوماً لهيفا وهبي؟

مع احترامي المطلق لكل من سترد اسماءهم وتقديري الكبير لأعمالهم كبيرة كانت ام صغيرة، وبالرغم من استغراب البعض طرح هذا السؤال ولكن متى عرف السبب بطل العجب لذا دعونا نستعرض معاً الواقع الفني في لبنان الحضاري اليوم:
الكل يغني، الكل يعرض والكل يطلب ولكن ليس الكل يبقى ولا الكل يطرب....

- هل يمكن ان نرى يوماً فيروز السيدة تعتلي خشبة المسرح نفسها وهيفا وهبي؟ مع احترامي لمزايا هيفا ولكن بالتأكيد لا! ففيروز القمة لا يمكن تصنيفها الا مع القمم. قد تسعى هيفا وزميلاتها ربما الى اعتلاء قمة شبيهة بقمة فيروز ولكن فيروز هي القمة بحد ذاتها اما الاخريات الجميلات كهيفا يصعدن القمة بسرعة ومن ثم يتركنها لغيرهن بسرعة أيضاً لأن قممهن زائلة مبنية على الجمال والدلال ودائماً الأدلع والأدلق يصل ساحقاً من سبقه فيكون هذا هو ثمن الشهرة الكاذبة الفارغة والمؤقتة.... أما فيروز والصبوحة ووديع الصافي وماجدة الرومي مدارس نتعلم منها ونعلّم من خلالها أجيالاً لأنهم قدوة لا تزول وإرث لا يفنى..... ومهما حاول الدخلاء ابراز قوتهم الفنية عبر عضلات اجسادهم دون اصواتهم فالأصالة موجودة رغم ارادتهم قد تبعد لفترة ولكن في النهاية "بيدوب التلج وبيبيّن المرج"

- هل اذا غنت هيفا أو مي او اليسا او نانسي في بعلبك تغضب فيروز؟ بالطبع تغضب وعيب الا تغضب وهي سلطانة بعلبك، هذه القلعة المحصنة بحراسها الابطال وزوارها مشاعل للفن الراقي والطرب الأصيل. ولكن اذا غنت وردة في بعلبك يختلف الوضع تماماً حتى ولو كانت "وردة" وردة جزائرية هذا لا يغضب فيروز ولا هدى ولا سلوى القطريب ولا غسان صليبا بل يزيد بعلبك القلعة الحصن مقلع البطولات والملاحم شرفاً وشموخاً لأن وردة ضخمة كهياكل القلعة الصامدة بأمجادها العظيمة، وكذلك الجميع يعرف ان وردة وأصالة وكاظم وصابر لن يحتلوا القلعة بل سيحلون ضيوفاً أعزاء بفنهم الغني للبنان فيفخر الأرز بنشر فيئه فوق جبين هؤلاء عندها يرتقي التحدي الى مستوى الفن والابداع فيلقي جمال الصدر المدلوق والساق المعروضة جانباً فيصح القول بالفعل: "زينوا الساحة والساحة لنا..."

- هل يمكن ان يكون لهيفا جمهور أوسع وأكبر من جمهور فيروز؟ ربما حفلاتها تستقطب الآلاف ولكن بيقى البحث عن السبب؟ قد تحلم هيفا باستقطاب ذوق كل الاعمار والمناطق والبلدات وهذا حقها، قد تفعل كل ما بوسعها لانجاح حفلاتها ولجعل الصالات والمدرجات تغلي بالحضور الصاخب وال "Complet" ربما تشتري بنفسها التذاكر وتقدم الحفلات مجاناً وربما قد تتبع وسائل شتى ولكن الاشخاص نفسهم الذين يتكلمون عن الفن الراقي والطرب والعُرب تراهم نفسهم يصفقون للتنانير ويرقصون لأزرار القمصان المفكوكة والمفقوعة ومن ثم يرددون "شو هالفضائيات اللي ما بتستحي! شي بيقرّف، فنانين طالع نازل ... كل ما واحد غنّى تحت الدوش صار يغني فوق المسرح، العمى طق شرش الحيا...". هل ان التناقض في الشخصية الواحدة اصبح اليوم يعدّ انفتاحاً وتنوعاً وغنىً وثقافة؟

- هل عندما تغني هيفا في بلدتها تستقطب عدد المعجبين نفسه الذي تستقطبه خارجها؟ بالطبع لا! فخارج بلدتها جمهورها غفير وفير يستقبلها بالتصفيق والتهليل وخارج مساحة بلادها أيضاً أكثر بكثير أو ليس وضعاً غريباً؟ هل لأن أهل بلدتها شرقيين زيادة عن اللزوم بالرغم من انهم يفخرون بريتشارد غير يقبّل جوليا روبرتز وينتظرون القبلة بشوق أكثر منه ويشعرون بها اكثر منه ايضاً ولكنهم دائماً يعترفون لغيرهم ما ينكرونه لأنفسهم.... لو طرحنا السؤال نفسه عن فيروز في بلدتها فهي السيدة وملحم مفخرة كفرشيما والصبوحة شمس وادي شحرور... لا يكفي هيفا وهبي ان تبكي فيلمون وهبي كي يبايعها أهل كفرشيما بلدتهم ناسين حليم الرومي وماجدته، عصام رجي وشجنه وكل ما اعطت هذه البلدة من تراث فني وجمال ثقافي....

- ويبقى الطرح الأخير ان هيفا وزميلاتها يعرفن حجمهن جيداً ويكتفين بموهبتهن ولا يتبجحن ويدعين المزيد فهن لا يردن ان يكنّ فيروزاً ولا صباحاً لأنهن يعرفن حق المعرفة ان هذا حلم مستحيل ولكن المشكلة تكمن في من يعطونهن التصفيق والتأييد فيؤكدون استمراريتهن في الساحة الفنية مطلقين شعارات "فنانة لبنان والعرب" و "سيدة الفن الاولى" .... متناسين تاريخ الفن العريق وأسسه الصلبة مستهلكين ميزاتهن لمآربهم التجارية الرخيصة مستغلين دلالهن وجمالهن لملء جيوبهم المتخومة وبيع ضمائرهم الرنانة والطنانة....

لا أحد يجلس مكان فيروز ولا مكان لأحد في غياب وديع ولا أحد يملأ فراغ أبو وديع ولا فراغ في وجود نجوى ولا وجوداً للفن خارج اطار الصبوحة... حتى ولو ركض الآخرون بسرعة 300كلم/الساعة فلن يستطيعوا اجتياز أول معبر في طريق الفن الحقيقي وسيسقطون عند اول اختبار، مهما كانوا كثراً فالاستحقاقات الفنية أكثر.

ان فيروز لن تغني لهيفا لأن قد يكون هناك مئات من الهيفات كل يوم ولكن الفيروزات لا يأتين الا مرة في كل حياة والحياة هي فقط لمرة واحدة....

فيا جمهور الفن العظيم،

لا تجعلوا شفاه السيليكون تغشكم ولا رموش العزلان ولا العيون الصهباء ولا دموع التماسيح لأنه في النهاية لن يصح الا الصحيح: ان الارض الصالحة لا تنبت الا الزرع الصالح ومن يزرع الريح يحصد العاصفة.....
وكما في الساحة الفنية كذلك في الساحة البرلمانية.....والآتي قريب

annahar 06.09.05

السفارة السورية في لبنان

كنت في زيارة لصديق الطفولة والدراسة المهندس وائل سلامة ابن بلدتي مرمريتا، والذي يعيش ويعمل في ضواحي مدينة بوسطن الأمريكية . وكان وائل وبحكم صداقتنا الطويلة يعلم أني من محبي الفلسفة واللاهوت ومن المتيمين بالروحانيات أنى كان مذهبها أو معتقدها. لذلك أصر على مجيئي لرؤيته في الفترة نفسها التي يزور فيها ضاحيتهم ناسك شاب أمضى أكثر من نصف حياته متوحدا في جبال اليونان المقدسة . فما أن تناولنا عشاء اليوم الأول من زيارتي حتى وجدنا أنفسنا نشق الطريق باتجاه صالة النادي السوري اللبناني في تلك المنطقة للاستماع لحديث هذاالناسك الشاب .كنا على الموعد وكان الناسك بانتظارنا وحيدا، يقرأ في كتاب سميك ممشطا ذقنه الطويلة بيده اليمنى الى الأسفل تارة وتارة يضرب خرزة من مسبحته السوداء فتنقر جارتها مصدرة صوتا ناعما .انتصب بأدب عندما شاهدنا واقترب بهدوء مهيب ورحب بقدومنا ببشاشة وادعة. ثم سألنا ان كنا لانمانع الانتظار بضعة دقائق أخرى لأن سيدة لبنانية أخبرته بقدومها الأكيد. غير أن القادم التالي كان شابا أشقر الشعر خلته للوهلة الأولى أمريكيا الا أنني لاحظت من لكنته الانكليزية أنه غير ذلك وتأكدت من ذلك عندما عرف على نفسه بأنه من مواليد حلب . وبينما هو يعرف عن مهنته كمطرب طغى على صوته "قرقعة كندرة" قوية ملأت فضاء الصالة العالية السقف بضجيج أنسانا برد بوسطن وعجقة شوارعها . التف الجميع حول طاولة مستديرة وبدأ الناسك حديثه عن المحبة شارحا لنا أن المحبة لا تكترث بالجنس أو باللون أو بالعرق ولايهمها سلطة أو شهرة أو مجد وحثنا على أن ننظر لجميع خلق الأرض بعين المحبة لأننا كلنا أخوة نعيش كعائلة واحدة، وهنا تدخلت السيدة اللبنانية الأنيقة و عقبت على كلماته بأن قالت له نحن في لبنان لانميز بين الأديان ولا بين الطوائف، فرئيس الجمهورية من طائفة وصهره من طائفة أخرى، ورئيس الوزراء من غير طائفتهما وكذلك رئيس مجلس النواب فهو من طائفة مختلفة أيضا وجميع اللبنانيين سواسية تحت القانون .هنا تدخل الشاب الحلبي متمتما نعم الجميع تحت القانون ولكن غالبا ما يكون عازف القانون غير لبناني . عاد الناسك للحديث مرة أخرى مشددا على قيمة الانسان ومنتقدا الحروب والقتل المسوغ بأسباب واهية والتعصب الأعمى لمبدأ أو حزب أو وطن والذي قد يخلق اختلافات شكلية بين بني البشر فيهدر طاقاتهم في صراعات ومماحكات لاطائل منها، وتأسف الناسك لألوف الضحايا التي تذهب سنويا ولملايين المشردين والمهجرين و ..وهنا قاطعته السيدة بلطف شديد لتخبره أن لبنان قد يكون البلد الوحيد في العالم الذي خص المهجرين بوزارة ووزير وأن لبنان بصدد استرجاع معظم مغتربيه ليساهموا في بناء الوطن الجديد السيد المستقل وأن الأمل كبير بعودة جميع أبنائه من كل بقاع الأرض حتى من أفريقيا، ولأن مستقبل لبنان الجديد واعد جدا فان بعض اللبنانيين يخشون أن يأتي غير لبنانين ليستمتعوا بحريته وبخيراته . وكأن هذا أيضا لم يعجب المطرب الحلبي فقال مؤفئفا من أفريقيا وغير لبنانين، هل تقصدين الفلاشا? واذ لاحظ الناسك امتعاض السيدة أحب أن يغير مجرى الحديث فقال لي ان جدتي لوالدتي ولدت في دمشق فقفز الشاب الحلبي قائلا اذن انت سوري الأصل، وسألته عن جده لأمه فقال جدي لأمي وجدتي لأبي كلاهما من بلدة اسمها مرجعيون، فما كان من السيدة اللبنانية أن ضحكت عاليا وأظن لو أن الجلسة تسمح لكانت زغردت، لكنها صرخت وبصوت عال أنا قلت هذا الذكاء لبناني . هنا تدخلت لأقطع هذه المعمعة المؤسفة وسألت الناسك عن أغرب ماحدث له أو مارأى خلال فترات تنسكه . واذ بادر للاجابة معلنا باختصار ظهور العذراء، انبرى الشاب الحلبي ليخبره عن ظهورات السيدة العذراء في دمشق وعن العجائب التي فعلتها من تدفق الزيت من الايقونات الى الشفاءات وبينما هو مسترسل في حديثه قاطعته السيدة اللبنانية قائلة "يعني العذراء اذا بدها تظهر ماعاد "تظهر الا بالشام " فرد الحلبي بسرعة" اش بيك خيتو بيقولوا ظهرت في المكان الذي سيبنى عليه السفارة اللبنانية. أحس الناسك بحراجة الموقف فأنهى حديثه أملا أن ينهي هذا الصراع بين السيدة اللبنانية والشاب الحلبي، الا أنه سأل مستفسرا ومازحا قبل أن يغادر هل أنا سوري أم لبناني? فقلت له أخبرتنا عن أصول جدتيك وجدك لأمك ولكن ماذا عن جدك لأبيك ? فقال لا أذكره لأنه مات قبل أن أولد ولكن أذكر أن أبي أخبرني أن والده ولد بالقرب من قرية صغيرة اسمها شبأى، هنا لم أتمالك نفسي عن الضحك قائلا اذا أنت من مزارع شبعا ..فقال وماذا يعني ذلك سوري؟ أم لبناني؟ فقلت له نصيحتي أن تعود لتنفرد في مغارتك لعشرين سنة أخرى ريثما يتقرر ان كنت سوريا أم لبنانيا

أياد قحوش

مجلة ايلاف

05.06.05